Ol perî-veş dilber-i dildârı gördüm ben bugün
Taht-ı dilde zül-kerem hünkârı gördüm ben bugün

Tâc-ı zer kıykâc serinde serv-i kamet bir levend
Gerdeninde kâkül-i gülbârı gördüm ben bugün

Ol kemân-ebrûleri mihrâb-ı kudret mâh-ı nev
Dürr-i mercân lebleri gül-nârı gördüm ben bugün

Mey-i ma’nâ cur’asıyla mest-i medhûş bir güzel
Katmer-i sahrâ gibi dür-bârı gördüm ben bugün

Kays-veş sahrâlara saldı sanem-rûler beni
Cân verüp cânân yolunda kârı gördüm ben bugün

LUTFIYÂ bâr-ı belâdır düşme dâr-ı dilbere
Cânıma kasd eyleyen bir yâri gördüm ben bugün