Hakk’ı dost etmek dilersen mazhar-ı ism-i Kerîm
Ol ki olasın efendim vâkıf-ı sırr-ı Hakîm

Men aref meyhânesinde mest olan insân olur
Bâkî bir cân bahş eder mestâneye zât-ı Kadîm

Gülbün-i dil nem alur enhâr-ı tevhîdden güzel
Bir nümâyiş gösterir nûr-i tecellîden Rahîm

Ârif-i bi’llâh olan gark oldu bahr-i hayrete
Mu’tekif olmuş müferrah mescid-i dilde mukîm

Mürg-i aşkı âşiyân-ı dilde mihmân eyleyen
Arş-ı irfânı görenler istemez dâr-ı ne’îm

Devr-i girdâb-ı belâdan pek şedîddir râh-i aşk
Yine aşk ile bulursun cennet-i dilde azîm

LUTFÎ sen kûy-i dilârâda bulursun devleti
Bülbül-âsâ dilbere ammâ gerek olmak nedîm