Hamdü li’llâh ol dilârâ yâre peyvestem bugün
Şâhid-i kudsî olan dildâre dil-bestem bugün

Nâveg-i müjgânına her çend sancıldı gönül
Şâdiyâne nev-civân bir tâze nev-restem bugün

Dilrubâlar dergehinde gerçi kim ham gerdenim
Halka-i bâb-ı emâne vâsıl-ı destem bugün

Ol kerem-rûler kerem-şândır ümîdim kesmezem
Zîr-i pâ rû-ber-zemînem muttasıl-bestem bugün

LUTFİYÂ ger dâreyinde ister isen devleti
Yüz yere koy Hakk’a karşu söyleme hestem bugün