Her derdine dermân olur
Ey nûr-i dil her dü-serâ
Eyle salât ile selâm
Destin duta hayru’l-verâ

Kesret ile eyle salât
İnd-i Hudâ bul derecât
Salât kabûl-i münâcât
Salât olur derden devâ

Feyz-i salât ile var ol
Âl-i Muhammed’e yâr ol
Nûr-i hidâyete gãr ol
Dilde doğa nûr-i hüdâ

Yüz dut cenâb-ı Ahmed’e
Var dergeh-i Muhammed’e
Mâlik ol bâki devlete
Kabûl eder Bâri Hudâ

Enbiyâlara ver salât
İnd-i Hudâ al derecât
Evliyâ ile bul hayât
Şerî’ate kıl ıktidâ

Dilden bırakma tevhîdi
Tevhîdle eyle tahmîdi
Nûr-i imânın tecdîdi
Tevhid iledir ihtidâ

LUTFÎ Muhammed Mustafâ
Hasen Hüseyin Murtezâ
Hem Çâr -i yâr-i bâ-safâ
Sâhib-i mâkãm-ı ulâ