İşretgeh-i meyhane güzel çalmalı çalgu
Gûş-i dili ver nûr-i dîdem perdeye doğru

Sâzendeleri seyredegör hâne-i dilde
Hayrân bu tarab tarzına Çîn’de olan âhû

Gülzâr-ı melâhatde olan gül-ruhe müştāk
Bülbüller olur sâzıyla sözünde be-yâ Hû

Nev-sâkî mey-i laʻli kızıl mağbeçe cân-bâz
Halları hayâl gerden-i sîm müşg ola geysû

Devrân edicek çalgu ile ebrû-kemânlar
Ol bezm-i mey-i vahdete Rıdvân ola dil-cû

Gül-ruhlerinin güllerine şems ü kamerler
Hayret-zededir sâz ile sâzende ki hûb-rû

Allar giyinüp nağme-nevâ dilber-i gülber
Devr olsa n’ola LUTFÎ’ye ol bâde-i gül-bû