Kubbe-i arşda bulunmaz incû mercândır gönül
Küre-i ferşde bulunmaz şâh-ı devrândır gönül

Böyle bir hurşîd-i şeffâf var mıdır Cibrîl’leri
Sidresinden indirir Yûsuf-i Ken’an’dır gönül

Herkesin gönlünde mektûm ism-i a’zam sûreti
Herkese meftûh olur mu kenz-i sultândır gönül

Ârifân bezm-i ezelde hâdim-i esrâr-ı dil
Matla-‘i mihr-i tecellâ kûy-i Rahmân’dır gönül

Bir temâşâ-gâhdır bu Cebrâîl hayrân olur
LUTFİYÂ her dü-cihânda câne cânândır gönül