Kurbânın olam cânâ cânım sana kurbândır
Hurşîd-i nûr-i vahdet gözüm sana hayrândır

Dildâr-ı dilârâsız dil mürde olur elbet
Kurbân olacak cânâ ancak sana bu cândır

Cânânım ile cânâ nâr-ı cahîme varsam
Herbir serîr-i nârın cângâhıma cinândır

Yârim bana yâr olsun derdi dile nâr olsun
Cinâne girem yârsız cinân câne nîrândır

Darbeder ise dilber gülbere döker güller
Ol serveri bir görsem ol ne şeh-i devrândır

Üftâdelere rahmet elbet keremin gözler
Bu LUTFÎ perişândır sultânı kerem-şândır