Mahkeme-i kübrâ rûz-ı kıyâmda
İhyâ eder Allah emvât olanı
Rûz-i cezâ hakdır kalma niyâmda

Hâkim-i yevmi’d-dîn kurar dîvânı

Cibrîl’e emr olur ol Ahmed’imi Hurmet ile kaldır

Muhammed’imi Tâc u hulle Burak götür sermedi
Devlet ü izzetin oldur hâkãnı

İzz ü nâzla Muhammedi kaldırır
Şân u şerâfetin halka bildirir
Nûr-i pâki mahşer yerin doldurur

Gark olur envâre mahşer meydânı

Server-iEnbiyâ Ahmed-i muhtâr

Hizmetin Cebrâil etmiş ihtiyâr
Ümmet olan efrâd olmuş bahtiyâr

Muhammed’dir şefâ’atin ummânı

MUHAMMED LUTFI’ye rahm ede Allah
Dest-gîr-i ola hem Resûlu’llah
Rûhuna Fâtihâ hasbeten li’llah
Hediyye eyleyen bulsun ihsânı

Cennet-i adinde makâm-ı Mahmûd
Ziyârete gelürEnbiyâ mevcûd
Güneş-veş meydânda Muhammed meşhûd
Neşr-i züvvâr eder rîh-ı Rahmanî

Selâm verir Muhammed’e bir Allah

Müşterek selâm da Enbiyâu’llah
Bu selâma dâhil mü’min-i bi’llâh
Sen seyreyle bu kıymet-i îmânı