Bize zevk-i visâlin eyle ihsân
Meded ey kadir Allahım meded hayy
Olavuz tâ ânında şâd u handan
Meded ey kadir Allahım meded hayy
Yeter yakdı ibâdı nâr-ı hasret
Sefâ versin kulûbe nur-i vuslat
Efendi lütfuna yokdur nihayet
Meded ey kadir Allahım meded hayy
İbâdın dâima işi hatâdır
Sana lâyık olan lütf-i atâdır
Visâlin derd-i uşşâka devâdır
Meded ey kadir Allahım meded hayy
Bir avuç hâki insan eyleyen sen
Ona yolları âsân eyleyen sen
Dahi envaı ihsân eyleyen sen
Meded ey kadir Allahım meded hayy
HÜDAYÎ bendeni et gamdan âzâd
Visalinle ola tâ hurrem u şâd
Olubdur çünki fazl ı lütfe mu’tad
Meded ey kadir Allahım meded hayy