Meydân-ı muhabbetde ki merdânelerin var
Rişte-i muhabbetde ki dürdânelerin var
Esrâr-ı aref dilde ledün-dânelerin var
Hikmethâne-i zevkde mül-dânelerin var

Arşdan urulur ferşe kadar nây-i muhabbet
Erenler eliyle çekilir yây-ı muhabbet

Bahşiş-i ezeldir dile mînâ-yı muhabbet
Bâde-i elest-keşlere mestânelerin var

Günden güzelim gül yüzüne nûr-i Hudadan
Urmuş o güneş merkez-i kubbe-i hüdâdan
Ders-i arefi fehmedegör gel bu nidâdan
Halka-i hakîkatde ledün-dânelerin var

Meyhânede bul bâde-i hâlisi meyânda
Sâkî-i zemân ile görüş doğru ayânda
İhlâs ile dâmânını dut Hakk’a dayan da
Sermestler ile dopdolu meyhânelerin var

Cânân ile cânın ile cevlâne gidersin

Hâk-i pâyine baş ile kurbâne gidersin
LUTFÎ gibi bir katresin ummâne gidersin
Âteşe atar cânını pervânelerin var