Nâgehân cânân ilinden erdi bu câna haber
Bu harabat ikliminde eglenme yürü kıl sefer

Bu harâbât iklimi onun melâmettir donu
Dökülür kanlar saçılır sad-hezerân başı yiter

Bu yerin külânları gülşenleridir âşıkın
Onda bülbüller yakarlar aşk oduna bâl u per

Yedi deniz gördüm onda birisi oddan idi
Bu harâbât ehlinin derler yolu ondan geçer

Gördüm onda takılır cân boynuna zülfeyn-i dost
Bir kıl ile sad-hezerân Mansûr’ı berdâr eder

Sordum onda var mıdır uşşâka bu bendden halâs
Dediler kim yok durur urgan ucun dilber tutar

Şah u sultan sohbetinde sürülür nûrdan kadeh
Sâkîler çağrışır aydur dost elinden kim içer

Varlığın yağmaya verdi erdi manâ-yı Resûl
Ol kapıdan gir içeri yürü var kıl a hazer

Yunus’a sorar isen bu sözleri kandan alır
Meğer ol divân-ı aşkın defterinden yad eder