Ey nûr-i basar dildeki dildâre nazar kıl
Var gir hareme dildeki dildâre nazar kıl

Cânân sana cânından aziz cân diyecekdir
Terk eyle cânın cân içün ol yâre nazar kıl

Evlâd ü ıyâl perde çeker husn-i cemâle
Terkeyle vârın Mansûr-i ber-dâre nazar kıl

Ey nûr-i basar nûr-i basîretden eser-yâb
Ol vakt-i seher dildeki hünkâre nazar kıl

Yerlere yüzün ferş edegör dilbere yalvar
LUTFÎ gibi gör dîde-i bîdâre nazar kıl