Dilbendelere cân ile cânân neler eyler
Üfgendelere âfet-i devrân neler eyler
Sahrâ-yı muhabbete düşen âtese yanmış
Cângâhına bak âh-ı firâvân neler eyler

Leylâ-yı zemân server-i hûbân olur elbet
Mecnûnlarına dilber-i devrân neler eyler

O âfet-i cân ebrû-kemân rûy-i nûr-efşân
Üftâdelere yazdığı fermân neler eyler

Necm-i seher-âsâ görünür halları hande
Gül gibi güler ru’yet-i cânân neler eyler

LUTFÎ’ye verir zevk u safâ dilber-i dilbâz
Kudret kameri gözlere seyrân neler eyler