Nice müddetden beri dîdâr-i yâri gözlerim
Zülf-i sünbül kâkül-i gül müşg-bârı gözlerim

Derd-i dilberden derûnum dâg-ı lâle dâğıdır
Gerden-i sîm hâl-i mercân zer-ıyârı gözlerim

Gül-gülistân-ı melâhat bir kamer-tal’at güzel
Hurşîd-i arş-ı mehâsin nûr dîdârı gözlerim

Sâye saldı başıma ol şâh-ı kişver-i zemân
Hâk-i pâyinden gözüme bir gubârı gözlerim

Böyle bir zât-ı kerem-şân âleme hurşîd-veş
Ol dürür mâh-ı muzayyâ yâr-i gãrı gözlerim

Âsitân-ı devletinde Kıtmîr’i olsam n’ola
Yüz yere koy LUTFİYÂ sen iftihârı gözlerim