Nedir i aşkın demi ey dil gözü alkan olandan sor
Kebâbın zevkıni cânâ ciğer-büryân olandan sor

Nedir sevdâ-yı sır sâkî gönülde iştiâl eyler
Mey-i vahdet içüp bezm-i elest reyyân olandan sor

Nedir erbâb-ı diller şehsüvârdır râh-i ma’nâda
Meyâdîn-i meârifde hünerdârân olandan sor

Nedir meyhâne-i ma’nâ nedir ya bâde-i sâkî
Girüp dilhâne küncinde görüp hayrân olandan sor

Nedir Leylâ’daki câzib eder âkılleri meczûb
Tecellî burcudur dilber görüp şâdân olandan sor

Bu eşyâ kim mezâhirdir nedir hikmeti zâhirdir
Vukûf-i ilm-i esmâ ma’nevi Lokmân olandan sor

Nedir ey LUTFÎ bu cûd-i vücûdunda olan hikmet
Aref dershânesinde nâşir-i irfân olandan sor