Olup şems ü kamer hayrânın ey Dost
Sürüp ehl-i semâ devrânın ey Dost

O kudsîler ki müştâk-ı cemâlin
Gözedirler güzel fermânın ey Dost

Seni ser-defter-i uşşâk edüp Hak

Dağılmış nüh-felekde şânın ey Dost

Kerem-kâni seni dergâh edinmiş

Dolup Cibril ile dîvânın ey Dost

Sana karşu bezenmiş arş-ı a’lâ
Cemâlin göstere cânânın ey Dost

Harem-gâh-ı visâle mahrem oldun
Seni mihmân edüp Mennân’ın ey Dost

Heyûlan nûr-i Hak’dır tâ ezelden
Muhammed nâm verüp Sübhân’ın ey Dost

Habîb-i Kibriyâ muhtâr-ı Mevlâ
Şefâ’at şevketi meydânın ey Dost

Gürûh-i enbiyâya muktedâsın
Kelâmu’llah senin bürhânın ey Dost

Risâlet kubbesinde mâh-i tâbân
Mukarreblerde yok akrânın ey Dost

Muhakkak rahmeten-li’l-âlemînsin
Keremu’llah senin ummânın ey Dost

Konağın “Kabe kavseyni ev ednâ” Olup

Rûhu’l-emîn derbânın ey Dost

Kıyâmetde bu ümmete ne gam var

Seni râzî ede Rahmân’ın ey Dost

Cemâlin cîminin müştakı Cibrîl
MUHAMMED LUTFÎ’dir kurbânın ey Dost