Öyle bir yâre yetiş yarın ola yâr sana

Öyle bir mir’âtı dut göstere dildâr sana

Öyle bir dergehe var feth ola bir bâb-ı kerem
İltifât eyleye hoş sühanle hünkâr sana

Öyle bir mîr-i zemân dâmenine el atagör
Derâgûş eyleyerek keşfede dîdâr sana

Öyle bir meykeş ile hemdem olup şâm u seher
Mey-i vahdet içerek bahşede envâr sana

Öyle bir nazlı nezâketli güzel bezmine var
LUTFÎ derbend ede ol kâkül-i gülbâr sana