Rızâ-yı Bârî’de şer’-i şerîfi cânda cân eyler
Kimin kim kalbini nûr-i muhabbet âlî-şân eyler

Teâlâ’llah zihî tûr-i muallâdır bu sırr-ı aşk
Nevâkısı eder ikmâl bütün varlığı fân eyler

Eğer sırr-ı süveydâyı sorarsan ehl-i dilden sor
Velî ketmetse bir yüzden diğer yüzden ayân eyler

Cenâb-ı hazret-i Bârî yere göğe sığmaz iken
Derûn-i dil-i dindârda mekânsız bir mekân eyler

Gönül bezm-i elestden taht-gâh-ı hubb-i Mevlâ’dır
Tecellî-hânesinde feyz-i Mevlâ’sın nihân eyler

Eğer nâm-ı Muhammed hâssesinden bir eser olsa
Kamu kâfir olur müslim cehennemi cinân eyler

Eğer şer’-i şerîfe cân u dilden sa’y eder LUTFÎ
Hakk’ın lutf-i İlâhisi gönülde feyezân eyler