Sahrâ-yı Kābe kavseyn Ev Ednâ serîrine
Dâ’vet edüp Teâlâ habîbi Muhammed’i

Sultan ede cinânda Hak mülk-i kebîrine
Lîvâü’l-hamdi ile tabîbi Muhammed’i

Şeref ü şân u şevket habîb-i Kibriyâ’de
Şöhret-şiâr edüpdür kıymet-i Muhammed’i

Hitâb-ı Üdnü minnî beyân etdi kıymetle
Mecme-i enbiyâda hatîbi Muhammed’i

Hil’at-i levlâk ile müzeyyen etdi Mevlâ
Câmi-i kütüb oldu kitâb-ı Muhammedî

Serâyün-lî mea’llah Leyle-i Esra’sında
Cebrâîl oldu pîşrev şitâb-ı Muhammedî

Deryâ-yı ilm-i hikmet doldurdu mevc-i rahmet
Nûr-i ma’rifetiyle hubâb-ı Muhammedî

Sâkî-i rûz-i Elest saîdlere dağıtdı

İçen buldu hidâyet şerâb-ı Muhammedî

Kevser-i cennet-i cân hubb-i Muhammed ey cân
Dillerde dürr ü mercân hitâb-ı Muhammedî

Ey nûr-i dil hidâyet diler isen seâdet

Habib-i Kibriyâ bil cenâb-ı Muhammed’i

Her dem derine derbân olan LUTFİYÂ kurbân
Tevhîd iledir ancak bevvâb-ı Muhammedî