Şehr -i rahmet geldi ey dil merhamet ummân olur
Ümmet-i Muhtar-i Mevla nâil-i gufrân olur

Açılur bâb-ı tecellâ neşrolur nûr-i hüdâ
Dillere feyz-i muhabbet-i Hudâ mihmân olur

Nûr-i vahdet gülleri gülbün-i dilde şân verir
Verd-i ahmer-veş yüzü sâimlerin handân olur

Rahm eder bâri Teâlâ ümmet-i Muhammed’e
Dergeh-i Mevlâ’ya ancak Ramazân derbân olur

LUTFİYÂ dârü’l-emândır mihr-i rahmetdir bu mâh
Başımıza sâye salmış mâh-ı mihribân olur