Şems-i vahdet burcu gönüldür Dede’m
Seyret o güneşi sen de ey dîdem
Seni gözler güneş sende dem-be-dem
Sendedir matla-‘i mihr-i dirahşân

Ebrû-kemân dilber gülber gönüldür

Dergeh-i dildâre rehber gönüldür

Hayder-veş fâtih-i Hayber gönüldür
Bir neyyir-i a’zam feyz-i firâvân

Cemâline hayrân encûm-i eflâk

Kemâline tahsîn eylemiş emlâk
Bu cânânı gören olur mu gam-nâk

Mâh-ı muzayyâdır rûy-i nûr-efşân

LUTFÎ seyretdinse dildârı dilde
Devlet-i dâreyni eyledin elde
Bu zevkı aldınsa mey ile mülde
Reşk eder fark etse emîr-i devrân