Şerâb-ı nâb ile cânâ güzel rengîn kebâb olsun
Bu bezm-i ayş u işretde güzel müşgîn şerâb olsun

Kızıl peymâneler memlû sunar sâkî-i nev-reste
Kerem-rû sâkînin devri cemâl-i bî-nikāb olsun

Güneş-veş câm-ı gülgûnu vere pervâneye hayret
O seyrângâh-i cânânı gören âşık hübâb olsun

Bu meygede-i ma’nâda olan sermest-i ser-gerdân
Ezel dimdâr olan mestân diler bâde-i nâb olsun

Aref esrârını meyden alur zevk nefha-i neyden
Görür bir âlem-i vahdet bütün dünyâ harâb olsun

Bu dâr-ı dil-güşâ meyhane-i erbâb-ı irfândır
Gözet mey-i musaffâyı hemân ref-‘i hicâb olsun

Bil ey LUTFÎ şerâb-ı vahdeti der-dest eden buldu
Gönülde zevk-ı rûhânî kadîmî feyz-yâb olsun