Şerbet-i şehd-i hidâyet ilm-i irfândır bize
Bu hayâtımız hayât-ı hubb-i Rahmân’dır bize
Tevekkeltü Teâlallâh

Mekteb-i ilm-i ledünde men aref dersi ki var
İstikāmet et ubûdiyyetde fermândır bize
Tevekkeltü Teâlallâh

Emr olunduğun gibi sen hizmetinde dâim ol
Emre fermân-berlik etmek kâmil îmândır bize
Tevekkeltü Teâlallâh

Muktedâ-yı ehl-i îmândır Muhammed Mustafâ
Iktidâ etmek ana her derde dermândır bize
Tevekkeltü Teâlallâh

LUTFİYÂ zarf-ı bevâtındır şerîat lâ-cerem
Şürût-ı İslâma dikkat emr-i Kur’ân’dır bize
Tevekkeltü Teâlallâh