Şeref ü şevket-i İslâm iledir emn ü emân
Kuvvet-i ehl-i îmân ile durur kevn ü mekân

Yağar elbette belâ başına serkeş olanın
Şer-i şerîf yoluna gitmez ise ehl-i îmân

Hâtemü’l-enbiya Mahmûd u Muhammed getürüp
Bize Kur’ân-ı Kerîm her dü-cihân dâr-ı emân

Nazar et kâinâtın kâtibinin defterine

Kalem-i kudret ile yazdığına var mı gümân

Bu kadar saltanatı göstericek zât-ı Hudâ
Var mı tebdîl ile tağyîr bu kadar devr-i zemân

Berr ü bahirde olan ekl ile şürb muhtâcı
Herkesin rızkını vermeğe Kādir’dir Rahmân

Mihr ü mâh encüm-i eflâke nazar kıl her dem
Kendi tab’iyle ola ya kul îcâd ede hemân

Rahm-i zî-rûhda tecemmû edicek her iki sû
Ola bir mîr-i zemân inkâr eder mi insân

Bir avuç toprağı Âdem edemez mi Allah

Rûz-i mahşerde bize kudretini ede ayân

Bir çekirdeği Hudâ eyleye bir cism-i kebîr
Yevm-i kıyâmda olur mu LUTFİYA şübhe amân