Seyr-i dîdâr ister dîde-i giryân

Göstermez cemâlin dilber-i devrân

Nazar-endâz olmaz âşüftesine

Kûşe-i hasretde kalmış perîşân

Güzeller gözlemez derd-mendleri

Dâm-ı muhabbetde kayd-bendleri

Dilberler dinlemez nush u pendleri

Âh u zâr bilmez mi âfet-i devrân

Gösterdikçe nâzın dilber-i tannâz

İştiyāk artırır âşık-ı ser-bâz
Gözleri yoldadır gönülde niyâz
Sûret ü zâhirde olmaz mihribân

Gözlerler kānûn-i ezel ezelden
Âteşler âşıka gelür güzelden

Göstermez cemâlin sana tez elden

Olmadıkça bâb-ı dergâhe kurbân

LUTFÎ bedeninden cân ayrılmazsa

Fedâ olmuş cânın cânân bulmazsa

Yâr yolunda vârın fedâ olmazsa

Görür mü cemâli dîde-i hayrân