Şifâhâne-i hikmetden erişe derdlere dermân
Bula derdli devâsını cenâb-ı Hak ede ihsân

Yetişe rahmet-i Bârî Teâlâ şânühû ekber
Der-i dergâh-ı Mevlâ’da ola merhamete şâyân

Dilerse Kādir u Kayyûm eder mürdeleri ihyâ
Verir âfiyet-i ebdân eder Yûsuf gibi sultân

Anadan babadan erham olan Hallâk-ı âlemdir
Verir bir devlet-i bâkî biter dilde gül ü reyhân

Gel ey nûr-i dîdem dil ver seni var eyleyen Hakk’a
Her işin Hakk’a teslîm et ola LUTFÎ sana kurbân