Şi’r ise âşıkları dâimâ dil-şâd eylemiş
Şi’r ile Sıddîk-ı Ekber halkı irşâd eylemiş

Zevk-ı şi’r âb-ı hayâtdır müste’id olsan eğer
Ehl-i derde dâimâ eş’âr imdâd eylemiş

Mu’teberdir ârifân indinde eş’âr-ı selîs
Aşk deminde ehl-i diller vezni îcâd eylemiş

Dillerinden feyz-i Hak enhâr-veş akar gider
Şi’r ile âşık olan merd dâde feryâd eylemiş

Hâfız-ı Şîrâzî’den almış Fuzûlî feyzini
Bu muhabbet nehri ile dilleri şâd eylemiş

LUTFİYÂ deryâ-yı rahmetdir kelâm-ı Evliyâ
Miftâh-ı rahmet ile dergâhı güşâd eylemiş