Seyr-i dildârını ârif dilde âhe söylemez
Âlemi tenvîr eder hem mihr ü mâhe söylemez

Mekteb-i ilm-i ledünde men aref esrârını
Mûsil-i vasl-ı habîbi şâh-râhe söylemez

Nûr-i îmân hubb-i Rahmân’ dan tefeyyüz eylemiş
Dîde-i bâtın eder seyrân nigâhe söylemez

Gülsitân-ı vahdetin bülbüllerin anlar olur
Gerden-i dilber öper zülf-i siyâhe söylemez

LUTFİYÂ sermest olur bezm-i elest mey-keşleri
Perver-i aşk-ı Hudâ gedâye şâhe söylemez