Şimdi bildim dostlar cânımdan cânım var imiş
Cânlara cânlar verir cân-ı cihânım var imiş
Sûfî verdim sana tâc ü hırka vü seccâdeyi
Ålem-i dilde benim râz-ı nihânım var imiş
Ben tecellî Tûr’uyum yoğ oldu cümle varlığım
Sanma bu cismim görüp hâm ü nişanım var imiş
Bî-mekân oldum benim kânım değildir bu mekân
Lâ-mekân mülkünde bir özge mekânım var imiş
Cân revân etdim Nizâm Oğlu gîne Hak’dan yana
Cânib-i Hakk’a gider rûh-i revânım var imiş