Yâ Rab kerem et derdimi dermâna yetişdir
Bu yolda benim ıtkımı fermâna yetişdir

Yâ Rab derûnum derdini bin dürlü füzûn et
Ey şân-ı kerem katremi ummâna yetişdir

Yâ Rab dil-i vîrânemi kıl âh-ı enîngâh
Lutfunla gözüm sûret-i Rahmân’a yetişdir

Yâ Rab bu kadar zât-ı Kerîm’in kereminden
Ver nûr-i aref dîdemi seyrâna yetişdir

Yâ Rab ne diyem ben sana ey âlim ü dânâ
Bu LUTFÎ kulun lutf ile ihsâna yetişdir