Yâ Rab nideyim zâr-ı zebûn abd-i zelîlim
Ammâ ne keremdir der-i dergâhe dahîlim

Ey kân-i kerem lutf-i kadîm hazret-i Allah
Rahm eyle bana zîrâ ki bir merd-i alîlim

Ummân-ı kerem sarf olıcak rûz-i cezâda
Bir katreyi ahz etmeye muhtâc-ı delîlim

Vâ nefsî sadâsı kopıcak yevm-i kıyâmda
Olmazsa inâyet bulamam kurb-i sebîlim

Şân u şeref ü şevketine eyledim ümmîd
Defterimi feth eyleme ki zâd-ı kalîlim
Yâ Rabbi beni hazret-i Muhtâre bağışla
Her iki cihânda ki odur nûr-i cemîlim

Mahşerde bulunmaz rû-siyeh LUTFÎ gibi ferd
Setr eyle beni görmeye halk öyle hacîlim