Ah efendim senden özge kime idem iktidâ
Ta ezelden kaydı kılmış takdîri böyle Hüdâ

Çün elest bezminde yâr idim seninle nideyim
Nefs-i emmâreye uyup olmuşam senden cüdâ

Cana minnet mi olur ger kimde olsa aşk-ı Hakk
Bî tekellüf cânını canânına eyler fedâ

Eylesem gör bülbül-esâ subh-i şâm feryâd-ı zâr
Feth-i bâb olmaz kişiye itmezse hâtif nidâ

Al bu varlık perdesini kemterindir Sabri’den
Eylesün dâim beher ân zikrini rûha gıdâ