Cânımın cânanı sensin yâ Muhammed Mustafâ
Derdimin dermânı sensin yâ Muhammed Mustafâ
Çıkmadı bahr-i muhabbetten senin gibi güher
îlm ü hikmet kânı sensin yâ Muhammed Mustafâ
Cümle âlem ilmine nisbet senin bir katredir
Ma’rifet ummânı sensin yâ Muhammed Mustafâ
Nûr-i zâtındır cihan mir’âtı içre cilveger
Yusufun da ânı sensin yâ Muhammed Mustafâ
Kulluğunla iftihâr eyler Nebiyy ü ger Velî
Cümlenin sultânı sensin yâ Muhammed Mustafâ
Nûr-i zâta mazhar-ı tâm olduğunda şübhe yok
Hakkı’nm bürhânı sensin yâ Muhammed Mustafâ