Tekkelam Musiki Topluluğu-Katreye Kılmam Nazar

Katreye kılmam nazar ‘ummânı gözler gözlerüm
Zerreyi n’idem mah-ı tâbânı gözler gözlerüm

Dürr-i ‘irfân tâlibiyem bahr-i ‘ilm içre bugün
Himmetüm bir gevheredür anı gözler gözlerüm

Bakmazam kasr-ı celâl-i pâdişâhına bugün
Ben harâbât ehliyem vîrânı gözler gözlerüm

Eyleme kühl-i Sıfâhân’ı bana ‘arz ey kişi
Hâk-i pây-i âdem-i ‘irfânı gözler gözlerüm

Hakkı’yâ dünyâ vü ‘ukbâyı n’ider ‘âşık olan
Anun içün dâ’imâ Rahmân’ı gözler gözlerüm