Revan it eşk-i çeşmin ey gönül mâh-ı muharremdir
Ciğer hûn-eyle âl-i Mustafa ya vakt-i mâtemdir

Nice matem ki râhında nisâr etmek gerek canı
Ki zira kurretü’l ayn-i habib-i fâhr-ı âlemdir

Vücudun lâl-i reng olsun zemin-i Kerbelâ mânend
Boyansun pirehen al kana o dem işte bu demdir

O dil dil mi ki yanmaz ateşinde âl-i evlâdın
O göz çıksın ki dem dökmez bu dem de şâd-ı hurremdir

Selâmi nuş ider dest-i Ali den kâse-i kevser
Şu atşan kim Hüseyn-ile Hasan derdiyle pür-ğamdır