İlâhî dilerem senden
Bize lutf u ihsân eyle
İçir ‘aşkın şarâbını
Bizi mest ü hayrân eyle

Al gitsin gafleti benden
Ref’-i hicâb eyle cândan
İki cihân sevgisinden
Soyup bizi ‘uryân eyle

Yoldaş etme nâşî ile
Sana münkir kişi ile
Yakup ‘aşk âteşi ile
Bağrımızı biryân eyle

Yoluma yoldaşlar eyle
Hâlime hâldaşlar eyle
İlâhî dervîşler eyle
Didârını seyrân eyle

Ben sakınmazam bu cânı
Tek bulsunlar bunlar seni
Var imdi Ümmî Sinân’ı
Yollarına kurbân eyle