Yâ Resulallah bize gör n’itdi âsî ümmetin
Görmeye anlar dahî rûz-i kıyâmet şefkatin

Şâh Hüseyn’in etdiler hâke berâber cismini
Kılmadılar ol münâfıklar senin hiç hürmetin

Kerbelâ’da ger göreydin yâ Muhammed hâlimiz
Tâ kıyâmet sâkin olmazdı bizim’çün firkatin

Kim ki âlem fahrinin evlâdına buğz eyleye
Eyleme ana müyesser yâ ilâhî cennetin

Biz muhibb-i hânedân-ı Mustafa’yız Seyfiyâ
Rûz ü şeb nesl-i Resulullaha olsun midhatin