Riştedir cismim ki devr-i çerh vermiş tâb ana
Merdüm-i çeşmim düzer her dem dür-i sîrâb ana
Sâye-i zülf şebistânındadır şem’i rehin
Nice yetsin kadr ile hur-şid-i âlem-tâb ana
Dürd-i mey tek garka-i hûn-âbe gördüm gönlüme
Gör ne geldi başına n’itti şarâb-i nâb ana
Kâmet-i ham birle bir ehl-i kerâmettir kaşın
Sâkiyâ çok etme teklif-i şarâb-i nâb ana
Derd dürdüdir safâ-bahş-i harîf-i bezm-i aşk
Sâkiyâ çok etme teklif-i şarâb-i nâb ana
Çeşmini ehl-i nazar kasdına ta’yîn eyleyen
Tîr-i gamzenden müheyyâ eylemiş esbâb ana
Terlemiş ruhsâr ile hublar açarlar gönlümü
Gör ne gül-şendir ki âteşten verirler âb ana
Silk-i ehl-i hâle çekmiş zâhidi eşk-i riyâ
Mis kimi kim sîm kadrin bildirir sîm -âb ana
Ey Fuzûlî kalmamış gavga-yi Mecnûn’dan eser
Gâlıbâ efsâne-i Leylî getirmiş hâb ana

Fuzuli