Münhariftir sâkiyâ endûh-i dünyâdan mizâc
Bâde tut kim illet-i endûha gaflettir ilâc
Fakr mülkin tut ger istersen kemâl-i saltanat
Saltanattan geç kim ol vâdide çoktur ihtiyâc
Çekme taht ü tâc kaydın bî-ser ü pâlık gözet
Kim ayağa benddir taht ü belâdır başa tâc
Bir perî zülfün tutup hâlinden alsan kâm-i dil
Tut ki Çin mülkünü tutun Hind’den aldın harâc
Terk ü tecrîd ihtiyâr et kim diyâr-i aşkta
Fakr bâzârına esbâb-i fenâdandır revâc
Nakş-i zâ’ildir umûr-i dehre kılma i’tibâr
Olsa hâsıl fakrdan hüzn ü gınâdandır ibtihâc
Ey Fuzûlî ben melâmet mülkünün sultânıyım
Berk-i âhım tâc-i zer sîm-i sirişkim taht-i âc

Fuzuli