Ol perî-veş dilber-i dildârı gözler gözlerim
Taht-ı dilde zü’l-kerem hünkârı gözler gözlerim
Tâc-ı zer kıykâc serinde serv-i kāmet bir levend
Gerdeninde kâkül-i gülbârı gözler gözlerim
Ol kemân ebrûleri mihrâb-ı kudret mâh-ı nev
Dürr ü mercân lebleri gülnârı gözler gözlerim
Mey-i mânâ cur‘asıyla mest-i medhûş bir güzel
Katmer-i cennet gibi nûr yâri gözler gözlerim
Kays-veş sahrâlara saldı sanem-rûler beni
Cân verüp cânân yolunda kârı gözler gözlerim
Lutfiya nâz-bâz olan dilber seni katl eylesün
Cânıma kast eyleyen dürr-bârı gözler gözlerim

Alvarlı Efe Muhammed Lütfi Hazretleri