Ehl-i dünya dirhem dinar ile eyler ferah
Ehl-i ukbâ ülfet-i ağyâr ile eyler ferah
Mâsivâyâ eylemez hiç iltifat Hakk âşıkı
N’eylesin ağyârı ol dildâr ile eyler ferah
Bende-i sâdık ferehnâk olur ancak şah ile
Özgesin çün bilmez asla yâr ile eyler ferah
Gece gündüz aşk ile zikrin eder maşukun
Kîl ü Kâl’i terk edib ezkâr ile eyler ferah
Eyle Kuddûsî Hüdâ’nın zikrine sen iştiğal
Ehl-i Mevlâ zikrini iksâr ile eyler ferah