Bu fenâ mülkünde ben nice hayrân olam
Nice bir handân olam ya nice bir giryân olam
Kâh feleklerde meleklerden dilekler eyleyem
Kâhı Arş u şems ile gerdûn olam gerdân olam
Adımım attım yedi dört onsekiz binden öte
Dokuzu yolda koyup şâh emrine fermân olam
Dost ferâh kıldı terahdan ben teberrâ eyledim
Suretâ insân olam hem cân u hem cânân olam
Kâh bir müftü müderris kâh mümeyiz kâh temiz
Kâh müdebbir nâkıs u naksıla noksân olam
Kâh batn-ı Hût içinde Yunus ile söyleşem
Kâh çıkam Arş üzere bin cân olam Selmân olam