Yâ İlâhî her nefesde cân sana mihmân diler
Bahr-i zâtın pertevinden lutf ile ihsân diler

Âşıkın yokdur murâdı dü-cihândan zerrece
Küntü kenzin varlığında sırr-ı cân seyrân diler

On sekiz bin âlemi ref eyleyip önden sona
Bî-nişân u lâ-mekân illerine pinhân diler

Zât-ı deryâ-yı hakîkatdir murâdı ârifin
Anın içün bağrı biryân gözleri giryân diler

Yokluğu yok varlık denizine atıp Ümmî Sinan
Varlığı yok var ile bir katrede ummân diler