Kime cihânda mihr ü vefâ eyledi felek
Âhir o denlü cevr ü cefâ eyledi felek

Dâim firâk ateşine yakıdı ciğerim
Her kime kim visâle nidâ eyledi felek

Kimin yüzüne bir iki gün güler âkıbet
Âhir yerini tahte’s-serâ eyledi felek

Her dem taraf taraf akıdup seyl-i eşkimi
Bağrım kânını bana gıdâ eyledi felek

Günü dünü kimi dünü dahi beter ola
Bahtım yüzünü çünki kara eyledi felek

Suçum ne idi ana ne kıldım ki dünyede
Ok gibi doğru kaddimi yâ eyledi felek

Endüh ü derd ü gussa vü gam her ne vâr ise
Hoş gör Hayâlî dime cefâ eyledi felek