Bugün bu devr-i âlemde nice cânlar bulup devlet
Niceler kahr-ı Kahhâr’ı kazandı buldular zillet

Niceler sırr-ı tevhîdi derûnunda idüp ibkâ
Muhabbetle derûnunda ibâdetle idüp ülfet

Niceler bahr-i şehvetde olup gark buldular husrân
Derûnunu şekâvetle mülevves eyledi gaflet

Niceler dergeh-i Hakk’a tutup yüz ilticâ eyler
Ubûdiyyet ile Hakk’a dü-âlem aldılar kıymet

Niceler esîr-i dâm-ı hevâ-yı nefs ile kaldı
Düşüp bahr -i şekâvete derûnları dolup zulmet

Niceler dîde-i irfân ile mir’ât-ı vahdetde
Nazar-dâr oldular alup güzel gözlerine ibret

Kerem-i Kerîm’e Lutfî tevekkül eyle yoksa ki
Ne mümkindir halâs olmak meğer Mevlâ ide nusret