Bizi varlık hicâbından halâs et
Meded ey pâdişâhlar pâdişâhı
Kerem kıl bâde-nûş-ı bezm-i hâs et
Meded ey pâdişâhlar pâdişâhı

Münevver eyleyüp nûr-ı şerî’at
Sırât-ı müstakîm olsun tarîkat
İhâta eylesin bahr-i hakîkat
Meded ey pâdişâhlar pâdişâhı

Tarîkat potasında nefsi ka’l et
Bu kaal içinde koma ehl-i hâl et
Esirge lâyık-ı bezm-i visâl et
Meded ey pâdişâhlar pâdişâhı

Geçir ‘âşıkların savt u sedâdan
Güzer kılsın cemî’-i mâsivâdan
Hayât ersin anâ bûy-ı bekâdan
Meded ey pâdişâhlar pâdişâhı

Esirge bu Hüdâyî derdimendi
Ki zîrâ mahz-ı fazlına dayandı
Sarây-ı vahdete irgör Efendi
Meded ey padişahlar pâdişâhı