Bizi insân edüben eyledi ehl-i islâm
Hâlikin nîmetine hamd ü senâ eyleyelim
Kalıba sıhhatı hem kalbe sefâ verdi tamam
Halikin lütfine gel hamd ü senâ eyleyelim

Olub eşcârı kalem olsa mürekkeb ummân
Lütfünün binde birin yazmağa yoktur imkân
Âcizden gayri neye kaadir olur insân
Hâlikin nîmetine hamd ü senâ eyleyelim

Lütf-i ihsânına gayet mi var ey hayy ü kadîm
Yine rahmetle nazar et bize ey Rabbi kerîm
Bu HÜDAYÎ kuluna eyledin ihsânı azîm
Halikin lütfuna gel hamd ü senâ eyleyelim