Gözlerinden sôfîyâ cennet içün kan dökme gel
Nâr-ı dûzah korkusından dahi bârân dökme gel

Cümlenin hallâkının ‘aşkı oduna yan hemîn
Nefs-i ejderhâ femine katre niyân dökme gel

Çün riyâ şirk-i hafîdir müşrik olma ey ‘azîz
Taht-ı sultâna sakınup zibl ü katrân dökme gel

İtme Hakk zâkirlerine buğz u inkâr u cefâ
Sû-i tedbîr ile hınzîr önüne nân dökme gel

Zikre çalış tut bu Kuddûsî fakîrin sözünü
Harmen-i ‘ömrü yabana böyle her ân dökme gel