Bir hâne-i dil kim ola pür-nûr-ı muhabbet
Elbette olur her yeri ma’mûr-ı muhabbet

Sûzân-ı gam-ı ‘aşk nice olmasın âdem
Yakdı bütün ‘âlemleri tennûr-ı muhabbet

Ya âba vü ya nâra düşerse n’ola ‘âşık
Gâlib gelir insâna beğim rûz-i muhabbet

Zâhid gam-ı ‘aşk-ı Hakk’a düşmezse derûnun
Nice olasın dünyâda mesrûr-ı muhabbet

Hakkı kadem-i sıdk ile sâliklere dâim
Açık görünür şâh-reh-i Tûr-ı muhabbet