Meydân-ı muhabbetde meydân eden erler var
Cân-gâhını cânâne kurbân eden erler var

Necm-i seherin şevkı hâlında hayâl olmuş
Bu cennet-i a’lâyı seyrân eden erler var

Şems ü kamere hayret vermiş o kemân-ebrû
Meşrik-ı mehâsinde cevlân eden erler var

Matla-‘i tecellâda dergâh-ı muallâda
Âşüftelere dâim ihsân eden erler var

Ol şâhid-i kudsî ki dildâr-ı dilârâdır
O dilberi devrinde cânân eden erler var

LUTFÎ ne keremdir bu sahrâ-yı seâdetde
Mecnûn’ları Leylâ’ya hayrân eden erler var